Técnicas da OPI- Investigación acudiron á 12 Conferencia do Programa Marco de Investigación e Innovación da Unión Europea en España celebrado no Palacio de Exposiciones y Congresos de Oviedo o pasado día 28 de novembro.
O obxectivo fundamental da Conferencia foi analizar os primeiros anos de funcionamento de Horizonte Europa, así como das súas grandes iniciativas. Durante a mesma, revisáronse tamén os resultados da participación do noso país co fin de extraer conclusións que permitisen ás entidades españolas mellorar as súas estratexias de participación e posicionamento en Europa.

