O pasado 21 de marzo, a Axencia Galega de Innovación organizou, no marco do programa PEMEuropa, un evento de presentación sobre as múltiples oportunidades de participación das entidades dedicadas á comunicación, marketing e divulgación en proxectos Horizonte Europa, que este ano concedeu arredor de 7.000 M€ en subvencións.
Todo proxecto financiado polo programa Horizonte Europa debía conter obrigatoriamente un plan e actividades de comunicación e divulgación de resultados, nos que a achega dunha entidade dedicada a estes ámbitos podía xogar un papel moi relevante. Ademais, moitos proxectos precisaban de estratexias e campañas de comunicación para acadar os seus resultados, como, entre outros, aqueles centrados en saúde, no desenvolvemento de solucións de intelixencia artificial ou na promoción da conservación do medio ambiente.
