O pasado 11 de xuño, a Axencia Galega de Innovación (GAIN), en colaboración co Centro para o Desenvolvemento Tecnolóxico e da Innovación (CDTI) e a Fundación Empresa-Universidade Galega (FEUGA), organizou unha xornada informativa sobre as novas oportunidades de financiamento do Programa de Traballo 2025 de Horizonte Europa, no marco do Clúster 4: Dixital, Industria e Espazo.
Durante o evento presentáronse as liñas prioritarias e temáticas clave que marcarán as convocatorias do vindeiro ano, entre as que destacan:
• Intelixencia artificial, datos e robótica
• Tecnoloxías dixitais emerxentes
• Industria sustentable e resiliente
• Materiais avanzados e fabricación avanzada
• Tecnoloxía cuántica e microelectrónica
• Infraestruturas dixitais e conectividade
• Novas oportunidades no ámbito espacial e observación da Terra
Ademais da presentación do programa de traballo por parte de representantes do Punto Nacional de Contacto (NCP), a xornada incluíu exemplos prácticos de participación galega en proxectos anteriores do Clúster 4, así como recomendacións sobre como posicionarse estratexicamente nas futuras convocatorias.
O evento ofreceu tamén un espazo de networking para favorecer a colaboración entre os axentes do ecosistema galego de I+D+i e facilitar a formación de consorcios para proxectos europeos.
Desde a Oficina de Proxectos Internacionais (OPI) da Universidade de Vigo alí presentes animamos aos grupos de investigación interesados nestas temáticas a consultar o novo programa de traballo e a contactar coa OPI para recibir asesoramento personalizado na preparación de propostas, procura de socios e planificación estratéxica.