O proxecto europeo KA2 TourisFarm, coordinado pola Universidade de Vigo, presenta a segunda edición da súa newsletter correspondente a abril de 2026.
Nesta nova entrega, abórdanse diferentes contidos de interese, entre os que destacan:
• Un fito clave do proxecto: a actividade de aprendizaxe entre pares celebrada en Porto.
• O crecemento do turismo en Europa e as novas tendencias da demanda.
• Iniciativas europeas orientadas cara a un modelo de turismo máis sostible.
• Un caso de estudo destacado en agroturismo: Quinta de Lourosa (Portugal).
• Investigación recente e próximas conferencias no ámbito do turismo.
A newsletter convida a afondar nas principais tendencias que están a definir o futuro do turismo rural, así como a coñecer os avances máis recentes do proxecto.
👉 Acceda á newsletter completa.
Ademais, o consorcio do proxecto anima a compartir novas, publicacións científicas, eventos ou iniciativas relacionadas con TourisFarm, que poderán ser incluídas en futuras edicións.