A Oficina de Proxectos Internacionais convídavos a participar nas Xornadas Coñece o novo financiamento de proxectos europeos Erasmus+ 2026.
Trátase dunha oportunidade para achegarse ás diferentes accións do programa, ás novidades introducidas para este período e ás claves para acceder a financiamento europeo destinado a proxectos educativos innovadores no ano 2026.
📅 Datas: do 1 ao 4 de decembro de 2025
⏰ Horario: De 10:00 a 12:00 horas
💻Modalidade: Actividade virtual a través do campus remoto da UVigo (as claves de acceso ao campus remoto serán enviadas unha vez formalizada a inscrición).
Inscrición:
A inscrición está aberta a través do seguinte formulario.
Resumo do programa (descarga o programa completo):
1/12/2025 – Novidades nas convocatorias, cómo presentar unha solicitude e proxectos KA2 e boas prácticas.
2/12/2025 – Erasmus+ CBHE, accións Jean Monnet e boas prácticas.
3/12/2025 – Erasmus+ KA2 CoVE, Erasmus Mundus Desing Measures, Alianzas para a Innovación e boas prácticas.
4/12/2025 – Erasmus+ Sports e boas prácticas.
A Cátedra Jean Monnet Institucións Europeas e Cidadáns: adaptar a Unión Europea aos desafíos da Dixitalización (EICAEUD) organiza a terceira edición deste obradoiro práctico, deseñado para afondar no deseño e xestión de proxectos europeos nunha contorna dixital.
📅 Datas: 25 e 27 de febreiro de 2025
⏰ Horario: De 16:00 a 18:30 horas
💻 Modalidade: Actividade virtual a través do campus remoto da UVigo
Ponentes:
Dirixido a:
Profesionais, académicos, estudantes e calquera persoa interesada en desenvolver competencias para a elaboración e xestión de proxectos financiados pola Unión Europea.
Inscrición:
A inscrición está aberta a través da plataforma Bubela
Desde a Oficina de Proxectos Internacionais convidámosvos a participar nas Xornadas Informativas sobre as Novidades das Convocatorias Erasmus+ 2025 e Europa Creativa. Estas xornadas ofrecen a oportunidade de coñecer as accións, cambios e como captar financiamento europeo para proxectos educativos innovadores en 2025.
Datas e lugares:
Presentacións
Campus Ourense: Novas, CBHE, Jean Monnet, Erasmus Mundus
Campus Vigo: Novas, KA2 Alianzas para a Innovación, CBVET, CoVE, Teachers Academies
Campus Pontevedra: Novas, KA2 Asociacións para a Cooperación, Erasmus+ Sports
Programa Europa Creativa: Innovation Lab e Media Literacy
A Oficina de Proxectos Internacionais xunto coa Vicerreitoría de Investigación, Transferencia e Innovación, o Vicerreitorado de Internacionalización e o Centro de Posgrao e Formación Permanente organiza este “Programa Internacional de Sustentabilidade” en colaboración con 4 institucións: Universidade de Vigo(España), University of Applied Sciences Emdem/Leer (Alemaña), PAR University (Croacia), GEA Collegue (Eslovenia). O Programa combina formación académica en sustentabilidade e tecnoloxía ambiental con experiencia práctica, promovendo colaboración internacional e intercambio cultural. Ofrece unha experiencia educativa transformadora para estudantes de intercambio apaixonados polos temas ambientais.
A Universidade de Vigo aposta profundamente pola sustentabilidade a través das súas titulacións integrais, como o Grao en Enxeñería en Tecnoloxías Industriais e o Grao en Enxeñaría de Minas e Enerxía. Tamén ofrece cursos de formación continua a través do seu Centro de Posgrao e Formación Permanente, cunha ampla oferta de conferencias virtuais sobre o quecemento global e os obxectivos de desenvolvemento sostible.
Obxectivos do Programa
Características do Programa
Aquí poderás consultar as xornadas informativas realizadas na OPI de anos anteriores.
A Oficina de Proxectos Internacionais – Área Educativa organiza unha xornada informativa virtual o 19 de decembro para presentar as novas convocatorias de proxectos Erasmus+, de acordo co seguinte programa:
Durante a xornada, os relatores centraranse en dar a coñecer as características das accións Erasmus+ 2024 cuxas datas límite de presentación de proxectos finalizan en febreiro e marzo de 2024.
A xornada terá lugar no espazo virtual do Campus Remoto, sala Oficina de Proxectos Internacionais – Docencia.
Os obxectivos deste curso consisten en capacitar o persoal das empresas da provincia de Pontevedra no coñecemento das distintas convocatorias europeas de financiamento do período 2021-2027. Trataranse os principais mecanismos europeos para financiar ideas innovadoras; dar a coñecer toda a información necesaria para solicitar un proxecto europeo frutuoso coa participación de distintos axentes: universidades, centros de investigación e outros. Compartiranse «historias de éxito»; preparar o «perfil europeo» e acceder a información actualizada sobre convocatorias e programas para comezar a participar en proxectos da UE.
Pode consultar toda a información sobre os obxectivos, o contido formativo, así como o horario detallado no folleto do curso. O prazo de inscrición estará aberto ata o 10 de setembro 2023 a través da seguinte ligazón: https://docs.google.com/forms/d/e/1FAIpQLSdkQDoX-sVpYmK-ptyCZ5eObUgKneTMUmeiXhaDrxg2mqKaBQ/viewform
Esta xornada gratuita organizada pola Unidade de Cultura Científica e da Innovación (UCC+i) en colaboración coa Fundación Española para a Ciencia e a Tecnoloxía (FECYT) pretende crear un espazo para compartir coñecementos, experiencias e exemplos prácticos que demostren como a investigación, a creatividade e a innovación son fundamentais para resolver os retos actuais, especialmente na procura de solucións sostibles para o futuro. Este evento forma parte do programa de divulgación científica Ciencia Ida e Volta, desenvolvido pola Universidade de Vigo, que se celebrou o pasado 21 de abril na Casa das Campás (Campus Pontevedra) en conmemoración do Día Mundial da Creatividade e da Innovación.
Ponencias destacadas:
Video da xornada
Presentacións Eva Garea
Nova no Duvi
Nova na web da UCC+i
O obxectivo xeral deste obradoiro consiste en iniciar aos/ás participantes na elaboración e xestión de proxectos para concorrer a convocatorias promovidas pola UE. Combina a achega duns mínimos contidos teóricos co tratamento de situacións prácticas. Deste xeito, agárdase aumentar as habilidades e capacidades profesionais dos/as participantes, incrementando así as posibilidades de emprego nun eido con alta demanda.
Contidos:
Impartido por Celso Cancela e Eva Garea no Campus Remoto da UVigo. Salón de Actos da Facultade de Dirección e Xestión Pública.
Este obradoiro gratuíto está financiado pola cátedra europea Jean Monnet: European Institutions and Citizens: Adapting the EU to the digitalisation challenges.
Estas xornadas están organizadas pola Vicerreitoría de Investigación, Transferencia e Innovación e a Oficina de Proxectos Internacionais, Área de Educación.
A Vicerreitoría de Responsabilidade Social, Internacionalización e Cooperación, xunto coa Oficina de Proxectos Internacionais organizan unha xornada informativa sobre as novas convocatorias ERASMUS+ 2021-27 e exemplos de boas prácticas dirixida á comunidade docente e investigadora da UVigo.
A Escola Aberta de Formación Permanente xunto coa Oficina de Proxectos Internacionais poñen en marcha este curso. O obxectivo é que os participantes adquiran competencias en relación á xustificación de proxectos europeos Erasmus + e afonden na xestión administrativa, técnica e financeira dos proxectos financiados pola UE na UVigo, a fin de lograr unha xestión eficiente. Adquiriranse coñecementos sobre as normativas de elixibilidade dos gastos, a súa adecuada xustificación. Incrementaranse as aptitudes para abordar a coordinación e a execución dos fondos dos distintos proxectos e na utilización práctica das ferramentas electrónicas de uso obrigado. Facilitaranse recomendacións para unha correcta xustificación das axudas concedidas, en relación ás particularidades da xestión financeira das asociacións estratéxicas KA2 e aos seus sistemas de control e auditoría.
O persoal da área educativa da OPI participa nesta xornada organizada polo Servicio Español para a Internacionalización da Educación (SEPIE), Ministerio de Universidades, na que se avanzan as novidades sobre os másteres conxuntos Erasmus Mundus (EMJM) así como os procedementos de verificación das iniciativas aprobadas pola Unión Europea en España.
A Academic Cooperation Association coa participación da Comisaria Europea de Innovación, Investigación, Educación e Xuventude, Mariya Gabriel e o persoal da Dirección Xeral de Educación e o de Investigación e Innovación da Comisión Europea organiza o evento: “What’s new in Brussels? Recent Developments in European Policies and Programmes” co obxectivo de informar sobre as innovacións e oportunidades clave na nova xeración de programas e políticas de educación superior e investigación da UE, con especial énfase nas accións de Erasmus + e as súas sinerxias con Horizonte Europa e outros plans de financiamento, incluídos os nacionais. O persoal da área de educación da OPI asiste a este evento virtual de forma pro-activa.
O Observatorio da Cooperación Universitaria ao Desenvolvemento (OCUD) da CRUE e a UOC organizan as VI Xornadas OCUD – 20 Anos da ESCUCE, coa asistencia do persoal da área de educación da OPI para abordar e ampliar as claves da cooperación universitaria ao desenvolvemento e reflexionar sobre esta temática desde varias perspectivas, como a cooperación descentralizada, a interxeneracionalidade desde o feminismo, o antirracismo, a descolonización e a sostenibilidade medioambiental, así como o impacto da COVID-19 nos proxectos e actividades de cooperación.
O Campus da Auga promove esta iniciativa coordinada pola Oficina de Proxectos Internacionais, que achega as novidades que supón o novo período de programación europea 2021-2027 no que a programas de financiamento público refírese, incluindo a actualidade sobre o orzamento europeo e a Política Europea de Cohesión para o período 2021-2027 así como os Programas de Xestión Directa máis relevantes. Estas xornadas inclúen formación en relación ás características e enfoque dos proxectos europeos, terminoloxía, tecnicismos, planificación, recomendacións e recursos ou apoios existentes para a elaboración de propostas.
A Vicerreitoría de Investigación e a Oficina de Proxectos Internacionais (OPI) organizan o curso virtual “Medidas de prevención do fraude”. Conferenciante: José Antonio Fernández Ajenjo.
O persoal da área educativa da OPI participa nestas xornadas organizadas pola CRUE sobre o acceso das persoas refuxiadas á universidade: retos, desafíos e respostas. Os temas das xornadas inclúen: refuxio e dereito á educación, intercambio de experiencias e protocolos de recoñecemento nas universidades españolas e no espacio europeo e internacional.
Para dar resposta ás circunstancias provocadas pola pandemia COVID-19, a Comisión Europea publicou dúas novas convocatorias extraordinarias no marco do programa Erasmus + 2020, destinando preto de 100 millóns de euros a cada unha destas chamadas para responder á pandemia coronavirus. Ante esta nova convocatoria de proxectos de asociacións para a educación dixital e para a creatividade, cun orzamento máximo por proposta de 300.000 euros a Vicerreitoría de Responsabilidade Social, Internacionalización e Cooperación, xunto coa Oficina de Proxectos Internacionais organizan o seminario virtual: Erasmus+ ante a Covid-19: deseño de proxectos para o desenvolvemento das competencias dixital e creativa.
Presentación e benvida: María Isabel Doval Ruiz. Vicerreitora de Responsabilidade Social, Internacionalización e Cooperación
Poñente: Eva Garea Oya. Técnica Superior de Relacións Internacionais. Oficina de Proxectos Internacionais. Área de Proxectos Internacionas Educativos.
Entre o 18 e 22 de xuño celebrouse a semana internacional «Academy of excellence Western Balkans — UVigo» na sala I do edificio Miralles
Ler a nova no DUVI
